Tíðindi

21. november 2024

Undirvísing fyri teimum, sum arbeiða við flóttafólki úr Ukraina

Í hesi vikuni hava Center for Udsatte Flygtninge og Børn & Familie vitja í Føroyum, har tey hava undirvíst lærarum, námsfrøðingum, sosialráðgevum og sálarfrøðingum, sum arbeiða við flóttafólki úr Ukraina.

Undirvísingin snúði seg um arbeiðið við børnum, ungum og foreldrum í dagstovnum og fólkaskúlanum.

Á skeiðnum var undirvíst í, hvussu tað er hjá fólki at hava uppliva kríggj, at vera flótti og at vera í útlegd. Arbeitt var m.a. við námsfrøði í mun til skelkandi upplivingar, og hvussu vit kunnu skilja børn og ung í mun til teirra atburð og upplivingar. Arbeitt var við ítøkiligum dømum í mun til bæði nýtt og eldri ástøði innan økið. 

Endamálið við skeiðnum var at:

• fyrireika starvsfólk at arbeiða við børnum, ungum og familjum, sum hava flóttafólkabakgrund

• fakfólk verða styrkt í teirra námsfrøðiliga arbeiði, og læra nýggjar arbeiðshættir og amboð, sum verða roynd í verki

• fakfólk fáa boðið vegleiðing, royndardeiling og supervisión í mun til avbjóðingar í arbeiðinum við málbólkinum

40 luttakarar vóru á skeiðnum.

Undirvísingarstýrið, Nám og Tórshavnar Kommuna skipaðu fyri skeiðnum, og eru tey sera fegin um, hvussu innihaldsríkt og gevandi skeiðið hevur verið.


28. mars 2025
Kt-ráðgevi til Undirvísingarstýrið
26. mars 2025
Starv sum skúlastjóri í Skúlanum á Trøðni
18. mars 2025
Omanfyri 800 umsøkjarar til miðnámsútbúgvingarnar
26. februar 2025
Spennandi starv sum fulltrúi til nýggja tjóðarskrivstovu til Erasmus+
Hagtøl
Hagtøl og greiningar fyri skúlaverkið.
Regluverk
Lógir og kunngerðir innan skúlaøkið.
Oyðubløð
Oyðubløð til fólkaskúlar og miðnámsskúlar.